(١٣٥٦٠) ابو سعید خدری (رض) نے فرمایا : عبداللہ بن قیس نے حضرت عمر بن خطاب (رض) کو تین مرتبہ سلام کیا، لیکن انھوں نے اجازت نہ دی۔ پھر وہ لوٹ آئے۔ عمر نے ان کے پیچھے آدمی بھیجا۔ جب وہ آگئے تو تو انھوں نے پوچھا : تو نے یہ کام کیوں کیا ہے ؟ تو انھوں نے فرمایا : میں نے رسول اللہ (صلی اللہ علیہ وآلہ وسلم) کو فرماتے ہوئے سنا، جب تم میں کوئی سلام کرے اور جواب نہ ملے تو وہ لوٹ آئے تو حضرت عمر (رض) نے کہا : میرے پاس اس کی دلیل لے کر آؤ، ورنہ تیرے ساتھ میں ایسے ایسے کروں گا۔ ابو موسیٰ (رض) آئے تو ان کا رنگ تبدیل تھا، میں بھی اس حلقے میں موجود تھا ہم نے کہا : کیا بات ہے ؟ تو انھوں نے کہا : میں عمر بن خطاب (رض) کو سلام کیا ہے تو انھوں نے ایسے ایسے کہا ہے۔ کیا تم میں سے کسی نے نبی (صلی اللہ علیہ وآلہ وسلم) سے یہ حدیث سنی تھی تو انھوں نے کہا : جی ہاں تو انھوں نے اس گروہ میں ایک آدمی عبداللہ بن قیس کے ساتھ بھیجا، یہاں تک کہ وہ عمر (رض) کے پاس آیا اور ان کو اس حدیث کی خبر دی۔