(١٣٩٩١) حضرت عبداللہ بن عباس (رض) اللہ تعالیٰ کے اس قول : { وَ مَنْ لَّمْ یَسْتَطِعْ مِنْکُمْ طَوْلًا اَنْ یَّنْکِحِ الْمُحْصَنٰتِ الْمُؤْمِنٰتِ فَمِنْ مَّا مَلَکَتْ اَیْمَانُکُمْ مِّنْ فَتَیٰتِکُمُ الْمُؤْمِنٰتِ } کے بارہ میں کہتے ہیں جو آزاد عورتوں سے شادی کی طاقت نہ رکھے وہ مسلمان لونڈیوں سے شادی کرلے۔ { ذٰلِکَ لِمَنْ خَشِیَ الْعَنَتَ مِنْکُمْ } یہ گناہ ہے۔ کسی آزاد مرد کے لیے لونڈی سے شادی جائز نہیں لیکن جب وہ آزاد عورت سے شادی کی طاقت نہ رکھتا ہو اور وہ گناہ سے ڈرتا ہو، { وَاِنْ تَصْبِرُوْا } [اٰل عمران ١٢٠] یعنی لونڈیوں کے نکاح سے خَیْرُلَّکُمْ یہ تمہارے لیے بہتر ہے۔