(١٤٠٦١) ابن اسحاق ابو العاص بن ربیع جو شرک کی حالت میں نکلے۔ ان کا قصہ ذکر کرتے ہیں کہ ان کی بیوی رسول اللہ (صلی اللہ علیہ وآلہ وسلم) کی بیٹی زینب مدینہ میں تھی، کہتے ہیں کہ یزید بن رومان عروہ سے اور وہ حضرت عائشہ (رض) سے نقل فرماتے ہیں کہ حضرت زینب نے آواز لگائی : اے لوگو ! میں نے ابو العاص بن ربیع کو پناہ دی ہے، اس نے حدیث کو ذکر کیا ہے، پھر رسول اللہ (صلی اللہ علیہ وآلہ وسلم) اپنی بیٹی زینب کے پاس آئے اور فرمایا : اے بیٹی ! تو اس کو اچھا ٹھکانا دے، لیکن یہ تمہارے اوپر داخل نہ ہو؛ کیونکہ تو اس کے لیے حلال نہیں ہے۔ [ضعیف ]