(١٤٥٠٣) حضرت انس بن مالک (رض) فرماتے ہیں کہ رسول اللہ (صلی اللہ علیہ وآلہ وسلم) خیبر آئے تو صفیہ بن حیی کا ذکر کیا گیا، جب آپ (صلی اللہ علیہ وآلہ وسلم) راستے میں تھے تو ام سلیم نے صفیہ کو تیار کر کے نبی (صلی اللہ علیہ وآلہ وسلم) پر پیش کردیا تو نبی (صلی اللہ علیہ وآلہ وسلم) نے صبح شادی کی حالت میں کی اور فرمایا : جس کے پاس جو بھی ہے وہ لے آئے۔ راوی کہتے ہیں : انھوں نے چٹائی بچھا دی، کسی نے کھجور، کسی نے پنیر، کوئی گھی، کوئی کچھ لے کر آیا تو انھوں نے ملا کر حلوہ بنایا، یہ رسول اللہ (صلی اللہ علیہ وآلہ وسلم) کا ولیمہ تھا۔