(١٥٠١٢) عطاء بن ابی رباح فرماتے ہیں کہ ایک شخص نے اپنی بیوی سے کہا : حبلک علی غاربک اس نے بار بار یہ الفاظ کہے تو پھر حضرت عمر (رض) کے پاس آیا۔ انھوں نے رکن اور مقام ابراہیم کے رمیان اس سے قسم کا مطالبہ کیا کہ تیرا اس قول سے کیا ارادہ تھا ؟ اس نے کہا : میں نے طلاق کا ارادہ کیا تو حضرت عمر (رض) نے ان دونوں کے درمیان تفریق کروا دی۔
شیخ فرماتے ہیں : قسم کا مطالبہ اس سے صرف تاکید کی غرض سے تھا کہ وہ اقرار کرلے کہ میں نے ہر مرتبہ طلاق کا ہی ارادہ کیا تھا تو پھر ان دونوں کے درمیان تفریق ڈلوا دی۔