(١٥٠٤٨) حماد بن زید کہتے ہیں کہ میں نے ایوب سے پوچھا : کیا آپ کسی کو جانتے ہیں جو حضرت حسن کے قول کے موافق کہتا ہو کہ جب خاوند اپنا اختیار بیوی کے سپرد کر دے تو اسے تین طلاقیں ہوجاتی ہیں ؟ فرماتے ہیں : نہیں۔ لیکن ابوہریرہ (رض) نبی (صلی اللہ علیہ وآلہ وسلم) سے اس طرح نقل فرماتے ہیں کہ ایوب کہتے ہیں کہ ہمارے پاس کثیر آئے تو میں نے ان سے سوال کیا، فرمانے لگے : میں نے بیان ہی نہیں کیا۔ جب میں نے قتادہ سے تذکرہ کیا تو فرمانے لگے : بیان تو کیا لیکن بھول گئے۔
(٢٤) باب الْمَرْأَۃِ تَقُولُ فِی التَّمْلِیکِ طَلَّقْتُکَ وَہِیَ تُرِیدُ الطَّلاَقَ
عورت تملیک کے موقع پر طلقتک کہہ کر ایک طلاق کا ارادہ رکھتی ہے
قَدْ مَضَی حَدِیثُ الأَسْوَدِ وَعَلْقَمَۃَ فِی الرَّجُلِ الَّذِی قَالَ لاِمْرَأَتِہِ : الَّذِی بِیَدِی مِنْ أَمْرِکِ بِیَدِکِ قَالَتْ : فَإِنِّی قَدْ طَلَّقْتُکَ ثَلاَثًا فَسَأَلَ عَبْدَ اللَّہِ بْنَ مَسْعُودٍ فَقَالَ : أُرَاہَا وَاحِدَۃً وَأَنْتَ أَحَقُّ بِہَا وَسَأَلَ عُمَرَ بْنَ الْخَطَّابِ رَضِیَ اللَّہُ عَنْہُ فَقَالَ : وَأَنَا أَرَی ذَلِکَ ۔
اسود اور علقمہ کی احادیث میں گذر گیا کہ وہ ایسے شخص کے بارے میں فرماتے ہیں جس نے اپنا اختیار بیوی کو سونپ دیا، پھر بیوی نے تین طلاق کے بارے میں کہہ دیا تو حضرت عبداللہ بن مسعود (رض) سے سوال ہوا تو فرماتے ہیں کہ میرے خیال میں ایک طلاق ہوئی ہے اور خاوند رجوع کا زیادہ حق رکھتا ہے اور حضرت عمر (رض) فرماتے ہیں کہ میرا بھی یہی خیال ہے۔