(١٥٦٧) سیدہ عائشہ (رض) سے روایت ہے کہ ام حبیبہ (رض) نے خون کے متعلق رسول اللہ (صلی اللہ علیہ وآلہ وسلم) سے پوچھا : سیدہ عائشہ (رض) فرماتی ہیں کہ میں نے اس کا ٹپ خون سے بھرا ہوا دیکھا، انھیں رسول اللہ (صلی اللہ علیہ وآلہ وسلم) نے فرمایا : ” جتنی دیر تجھ کو تیرا حیض روکے رکھے اتنی دیر رک جا، پھر غسل کر۔ “ (ب) صحیح مسلم قتیبہ بن سعید سے ہے کہ رسول اللہ (صلی اللہ علیہ وآلہ وسلم) نے فرمایا : جب تیرا حیض گزر جائے یا اتنا عرصہ گزر جائے جتنے تیرے حیض کے دن ہوتے تھے۔ پھر تو اپنے آپ کو پاک عورتوں میں شمار کر لیکن طہارت حاصل کرنے کا حکم نہیں دیا۔