(١٥٨٦) (الف) سیدنا ابوجعفر سے روایت ہے کہ سیدہ سودہ (رض) استحاضہ والی تھیں۔ انھیں رسول اللہ (صلی اللہ علیہ وآلہ وسلم) نے حکم دیا کہ جب اس کے دن حیض والے گذر جائیں تو غسل کرے اور نماز پڑھے۔ (ب) امام احمد (رح) فرماتے ہیں کہ اس باب میں عطاری عن حفص بن غیاث عن علاء روایت ہے جسے ابن خزیمہ نے روایت کیا ہے وہ اس سے زیادہ مکمل ہے۔ (ج) امام ابوداؤد فرماتی ہیں کہ سعید بن جبیر نے علی اور ابن عباس (رض) سے روایت کیا ہے کہ مستحاضہ اپنے حیض کے ایام میں بیٹھے گی۔ اسی طرح شعبی (رح) نے مسروق کے واسطے سے سیدہ عائشہ (رض) سے روایت کیا ہے۔