(١٦٠١٤) عمرو بن میمون کہتے ہیں کہ میں نے حضرت عمر کو زخمی ہونے سے چند دن قبل مدینہ میں دیکھا تھا، وہ حضرت حذیفہ اور عثمان بن حنیف پر کھڑے تھے اور فرمایا : کیا تم دونوں ڈرتے نہیں ہو کہ تم نے زمین کو اس پر محمول کردیا ہے جس کی وہ طاقت نہیں رکھتی۔ وہ دونوں کہنے لگے : ہم نے اسے اس کی طاقت پر ہی محمول رکھا ہے۔ حذیفہ کہنے لگے : اگر میں اسے محمول کرتا تو کم کردیتا اور عثمان بن حنیف کہنے لگے : میں نے اس یعنی زمین کو کوئی بھاری چیز پر محمول نہیں کیا۔ تو عمر نے فرمایا : تم ایسے نہ ہوجانا کہ زمین پر ایسا بوجھ ڈالو جو وہ اٹھا نہ سکے۔ کہا : نہیں۔ تو حضرت عمر نے فرمایا : اگر اللہ نے مجھے سلامت رکھا تو میں تمہیں عراق کی ریت کو ضرور بلاؤں گا کہ وہ میرے بعد کس کے محتاج نہیں رہیں گے۔ ابھی چار دن ہی گزرے تھے کہ یہ واقعہ پیش آگیا۔ کہتے ہیں : میرے اور ان کے درمیان صرف عبداللہ بن عباس ہی تھے، جس صبح ان کو وہ تکلیف پہنچی۔ وہ صفوں کے درمیان پھر کر خلال پر کروا رہے تھے، جب خلال پر ہوگئے تو آگے بڑھے اور تکبیر کہی اور پہلی رکعت میں سورة یوسف یا النحل کی تلاوت کی یہاں تک کہ لوگ جمع ہوگئے۔ کہتے ہیں : آپ قریب تھے کہ رکوع کے لیے اللہ اکبر کہتے کہ میں نے سنا وہ کہہ رہے تھے : مجھے کتے نے قتل کردیا، مجھے کتے نے کاٹ لیا تو وہ شخص بھاگا۔ اس کے پاس دو دھاری چھری تھی اور ادھر ادھر مارتے ہوئے وہ بھاگا تو اس نے ١٣ آدمیوں کو زخمی کیا، ان میں سے ٩ فوت ہوگئے تھے۔ جب ایک مسلمان نے اسے دیکھا تو اس پر چادر ڈال دی۔ جب اس کو یقین ہوگیا کہ اب پکڑا جاؤں گا تو اپنا بھی گلا کاٹ لیا تو حضرت عمر نے عبدالرحمن بن عوف کا ہاتھ پکڑ کر آگے کیا۔ مسجد کے کونوں میں جو لوگ تھے انھیں اس واقعہ کا پتہ نہ چلا تو انھوں نے حضرت عمر کی قرآت کی آواز نہ آنے کی وجہ سے سبحان اللہ ! سبحان اللہ ! کہنا شروع کردیا تو عبدالرحمن بن عوف نے ہلکی سی نماز پڑھائی۔ جب واپس لوٹے تو ابن عباس کو فرمایا : دیکھا مجھے کس نے قتل کیا ہے ؟ تو وہ کچھ دیر کے بعد آئے اور بتایا : مغیرہ کے غلام نے۔ پوچھا الصنع نے ؟ کہا : ہاں، فرمایا : الحمدللہ کہ اللہ نے مجھے کسی مسلمان کے ہاتھوں نہیں مروایا اور کہا : تم اور تیرے والد پسند کرتے تھے کہ مدینہ میں کافر زیادہ ہوجائے حضرت عباس سب سے زیادہ غلاموں والے تھے تو کہنے لگے اگر آپ چاہیں تو ہم ان کو قتل کردیں تو فرمایا : تو جھوٹ بولتا ہے کہ جب انھوں نے تمہاری زبان کے ساتھ بات کرلی، تمہارے قبلہ کی طرف نماز پڑھ لی اور تمہارا حج کرلیا۔ اب قتل نہ کریں۔ اس کے بعد آپ کو گھر لایا گیا اور لوگوں کی حالت یہ تھی کہ گویا جتنی بڑی مصیبت آج انھیں پہنچی ہے کبھی نہیں پہنچی۔ کچھ ایک دوسرے کو تسلیاں دے رہے تھے کہ کچھ نہیں ہوتا اور کوئی کہہ رہا تھا کہ ہم حضرت عمر پر خوف کھاتے ہیں تو آپ کے پاس نبیذ لایا گیا، وہ آپ نے پیا تو پیٹ کے زخم سے باہر نکل گیا تو لوگ سمجھ گئے کہ اب آپ فوت ہوجائیں گے۔