(١٦٠٦٠) حماد ابراہیم سینقل فرماتے ہیں کہ جس نے ذی سہم سے درگزر کردیا تو اس کا معاف کرنا معافی ہے۔ عمر اور ابن مسعود (رض) نے اس کی اجازت دی ہے۔
امام شافعی (رح) فرماتے ہیں کہ ہمارے بعض اصحاب اس شخص کے بارے میں فرماتے ہیں جو دوسرے شخص کو بغیر بغض کے قتل کر دے کہ وہ امام کی طرف ہے۔ وہ ولی مقتول کا بھی انتظار نہ کرے اور انھوں نے دلیل مجذر بن زیاد والے واقعہ سے لی ہے۔ اگر یہ روایت ثابت ہو تب یہ بات ہے ورنہ آج تک مجھے نہیں پتہ چلا کہ یہ روایت بھی ثابت ہے اور اس کو ولی مقتول کی طرف لوٹانا اللہ کا حکم ہے۔ اللہ تعالیٰ کا فرمان ہے : { وَ مَنْ قُتِلَ مَظْلُوْمًا فَقَدْ جَعَلْنَا لِوَلِیِّہٖ سُلْطٰنًا } [الاسراء ٣٣] ” کہ جو مظلوم قتل کیا جائے تو اس کا ولی اس کی جگہ سلطان ہے۔
اور فرمایا : { فَمَنْ عُفِیَ لَہٗ مِنْ اَخِیْہِ شَیْئٌ فَاتِّبَاعٌ بِالْمَعْرُوْفِ } [البقرۃ ١٧٨]
شیخ فرماتے ہیں کہ ہمیں یہ پتہ چلا ہے کہ قصہ مجذد بن زیاد جو حدیثِ واقدی سے ہے منقطع اور ضعیف ہے۔