(١٦١٨٨) ابراہیم فرماتے ہیں : دیت تمام اونٹوں میں چاہے چھوٹے ہوں بڑے کے بدلے فی اونٹ ١٢٠ درہم مقرر کی گئی ہے ٦ کے وزن کے برابر اور یہ ١٠٠٠٠ درھم بنتے ہیں۔ شریک بن عبداللہ کو کہا گیا کہ اگر ایک آدمی مشرک سے لڑتا ہے جب وہ اسے مارتا ہے تو کسی مسلمان کو لگ جاتا ہے تو شریک نے کہا کہ ابن اسحاق نے فرمایا : اس صورت میں حضرت عثمان نے جو فیصلہ فرمایا : وہ ١٢٠٠٠ درہموں کا تھا اور درہم اس وقت ٦ کے وزن کا تھا۔
امام شافعی (رح) فرماتے ہیں کہ بہت سارے حجازی مثلاً عطائ، مکحول، عمرو بن شعیب وغیرہم نے حضرت عمر سے دیت ١٢٠٠٠ درہم ہی نقل کی ہے۔ مجھے نہیں پتہ کہ اہل حجاز میں سے کسی نے اس کی مخالفت بھی کی ہو اور نہ ہی حضرت عثمان نے اس کی مخالفت کی اور جو دیت ١٢٠٠٠ ہزار درہم کہتے ہیں، ان میں ابن عباس، ابوہریرہ اور عائشہ بھی قابل ذکر ہیں اور عکرمہ نے نبی (صلی اللہ علیہ وآلہ وسلم) سے ایک دیت کا فیصلہ ١٢٠٠٠ درہم ہی روایت کیا ہے۔
امام شافعی (رح) فرماتے ہیں : میں نے محمد بن حسن سے پوچھا کہ کیا آپ یہ کہتے ہیں کہ دیت ١٢٠٠٠ درہم ہے، جو ٦ کے ورزن کے برابر ہے ؟ کہا : نہیں۔ میں نے کہا آپ نے حضرت عمر سے کہاں سے یہ قبول کرلیا ہے اور حضرت عمر نے اس کے ساتھ فیصلہ کیا ہے لیکن آپ کیوں نہیں کرتے ؟ شیخ فرماتے ہیں کہ حضرت عمر سے یہ روایت منقطع ہے اور اسی طرح حضرت عثمان سے بھی اور حدیث عمرو بن شعیب عن ابیہ عن جدہ جسے ہم نے موصولاً بیان کیا ہے حضرت عمر سے اور اسی کے ساتھ حدیث ابن عباس بھی۔ واللہ اعلم۔