(١٦١٨٩) زہری کہتے ہیں کہ میں نے آپ (صلی اللہ علیہ وآلہ وسلم) کا وہ خط پڑھا جو آپ نے عمرو بن حزم کو نجران جاتے ہوئے دیا تھا اور وہ خط ابوبکر بن حزم کے پاس تھا۔ آپ (صلی اللہ علیہ وآلہ وسلم) نے اس میں لکھا تھا : ” یہ اللہ اور اس کے رسول کی طرف سے بیان ہے “ { یٰٓأَیُّھَا الَّذِیْنَ اٰمَنُوْٓا اَوْفُوْا بِالْعُقُوْدِ } [المائدۃ ١] آپ نے چند آیات لکھیں یہاں تک { اِنَّ اللّٰہَ سَرِیْعُ الْحِسَابِ ۔ } [اٰل عمران ١٩٩] تک پہنچے، پھر فرمایا : یہ زخموں کے بارے میں کتاب ہے، قتل کے بدلے ١٠٠ اونٹ ہیں۔ ایک ہاتھ کے بدلے ٥٠ اونٹ، ٹانگ کے بدلے ٥٠ اونٹ، ناک کو جب جڑ سے کاٹ دیا جائے تو اس میں ١٠٠ اونٹ ہیں۔ آنکھ میں ٥٠ اونٹ اور ہر انگلی کے بدلے ١٠ اونٹ ہیں اور سر کے گہرے زخم میں ثلث دیت قتل سے ہے اور وہ سر کا زخم جس میں ہڈی کے ریزے ہوں اس میں ١٥ اونٹ ہیں۔ پیٹ میں ثلث دیتِ قتل ہے۔ عام زخم میں اور دانت میں پانچ اونٹ ہیں۔ ابن شہاب کہتے ہیں کہ یہ خط میں نے اسی طرح ابوبکر بن حزم کے پاس پڑھا تھا۔