(١٦٨٣٠) ابن عباس فرماتے ہیں کہ ایک انصاری مرتد ہوگیا اور مشرکین سے جا ملا تو اللہ نے یہ آیت نازل فرمائی : { کَیْفَ یَھْدِی اللّٰہُ قَوْمًا کَفَرُوْا بَعْدَ اِیْمَانِھِمْ وَ شَھْدِوْٓا اَنَّ الرَّسُوْلَ حَقٌّ وَّ جَآئَ ھُمُ الْبَیِّنٰتُ وَ اللّٰہُ لَا یَھْدِی الْقَوْمَ الظّٰلِمِیْنَ ۔ } [آل عمران ٨٦] تو اس کی قوم نے اس کو یہ لکھ کر بھیجی تو کہنے لگا : واللہ نہ میری قوم نے جھوٹ بولا ہے اور نہ نبی (صلی اللہ علیہ وآلہ وسلم) نے اللہ پر جھوٹ بولا ہے اور اللہ تو تینوں میں سب سے سچا ہے تو وہ واپس آگیا اور توبہ کرلی تو نبی (صلی اللہ علیہ وآلہ وسلم) نے اس کو معاف کردیا۔