(١٦٩٣٠) براء بن عازب کہتے ہیں کہ لوگ ایک شخص کو لے کر نبی (صلی اللہ علیہ وآلہ وسلم) کے پاس سے گزرے جس کو کوڑے لگائے گئے تھے اور منہ کا لاکر کے گھمایا جا رہا تھا تو آپ (صلی اللہ علیہ وآلہ وسلم) نے یہودیوں سے پوچھا : تمہارا عالم کون ہے ؟ انھوں نے کہا : فلاں تو نبی (صلی اللہ علیہ وآلہ وسلم) نے اس کی طرف کسی کو بھیجا، وہ آیا تو آپ (صلی اللہ علیہ وآلہ وسلم) نے پوچھا : تم اپنی کتاب میں زنا کی حد کیا پاتے ہو ؟ کہا : رجم لیکن زنا ہمارے اشراف میں پھیل گیا تو جب کوئی بڑا زنا کرتا ہے تو اسے رجم نہیں کیا جاتا اور جب کوئی غریب زنا کرے تو اسے رجم کیا جاتا ہے۔ اسے ہم رجم کے بدلے کوڑے اور منہ کالا کرنے کی سزا دیتے ہیں تو نبی (صلی اللہ علیہ وآلہ وسلم) نے اس کے رجم کا حکم دے دیا۔ اسے رجم کردیا گیا اور پھر فرمایا : اے اللہ ! گواہ رہنا، میں نے ان کی ایک فوت شدہ سنت کو زندہ کیا ہے۔