(١٦٩٩٧) ابو سعید کہتے ہیں کہ اسلم قبیلے کا ایک شخص جس کا نام ماعز تھا، نبی (صلی اللہ علیہ وآلہ وسلم) کے پاس آیا۔ اس نے زنا کا اعتراف کیا تو آپ نے اس سے اعراض کرلیا۔ جب اس نے بار بار اس کا اصرار کیا تو آپ (صلی اللہ علیہ وآلہ وسلم) نے اس کی قوم سے پوچھا کہ ماعز پاگل تو نہیں ؟ انھوں نے کہا : ہم نے تو اس میں کوئی چیز ایسی نہیں دیکھی۔ نبی (صلی اللہ علیہ وآلہ وسلم) نے اسے رجم کا حکم دے دیا۔ ہم اسے بقیع الغر قد کی طرف لے آئے ہم نے نہ اسے باندھا نہ زمین میں گاڑا اور پتھروں سے اسے مارا تو وہ تکلیف کی وجہ سے بھاگا۔ ہم نے اسے حرہ کے مقام پر جا کر پکڑ لیا اور اسے وہاں مارا تو وہ مرگیا تو نبی (صلی اللہ علیہ وآلہ وسلم) نے شام کو عشاء کے وقت خطبہ دیا تو فرمایا : ہم کسی بھی غزوے میں جاتے ہیں تو ایک مرد کو نائب بنا جاتے ہیں اس وجہ سے کہ اگر کوئی ایسا کرے تو وہ اسے عبرت کا نشان بنا دے۔ آپ نے نہ ماعز کو برا کہا اور نہ استغفار کی۔