(١٧٦٠) (الف) سیدنا ابوہریرہ (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : نماز کا اول اور آخری وقت ہے۔ ظہر کا اول وقت جس وقت سورج ڈھل جائے اور اس کا آخری وقت جس وقت (نماز) عصر (کا وقت) ہوجائے اور عصر کا اول وقت جس وقت اس کا وقت داخل ہوجائے اور اس کا آخری وقت جس وقت سورج زرد ہوجائے اور مغرب کا اول وقت جس وقت سورج غروب ہوجائے اور اس کا آخری وقت جس وقت سرخی غائب ہوجائے اور عشاکا اول وقت سرخی غائب ہوجائے اور اس کا آخری وقت جس وقت نصف رات ہوجائے اور فجر کا اول وقت جس وقت فجر طلوع ہوجائے اور اس کا آخری وقت جب سورج طلوع ہوجائے۔
(ب) سیدنا ابوہریرہ (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : ” نماز کا اول اور آخری وقت ہے۔ “
(ج) شیخ کہتے ہیں کہ امام بخاری (رح) نے اس کے ہم معنی نقل کیا ہے۔