(١٧٦٤٧) سعید بن مسیب کہتے ہیں کہ اہل شام میں سے کسی نے اپنی بیوی کے ساتھ دوسرے کو دیکھا تو ان دونوں کو قتل کردیا۔ حضرت معاویہ اس فیصلے میں بڑے پریشان ہوئے تو انھوں نے یہ بات ابو موسیٰ اشعری (رض) کو لکھ بھیجی کہ وہ حضرت علی (رض) سے پوچھیں تو حضرت علی (رض) نے فرمایا : یہ ایسی چیز ہے جو ہماری زمین میں نہیں ہے تو انھوں نے کہا : مجھ سے معاویہ (رض) نے سوال کیا ہے تو حضرت علی نے جواب دیا : میں ابو الحسن یہ کہتا ہوں کہ اگر وہ چار گواہ نہیں لاتا تو اسے قصاص دلایا جائے۔