(١٧٧٢٨) عروہ بن زبیر (رض) فرماتے ہیں کہ میں نے عبداللہ بن عمرو بن عاص (رض) سے سوال کیا اور کہا کہ مجھے مشرکین کی سب سے زیادہ سخت تکلیف بیان کریں جو انھوں نے نبی اکرم (صلی اللہ علیہ وآلہ وسلم) کو پہنچائی۔ انھوں نے کہا کہ عقبہ بن ابی معیط آیا اور رسول اللہ (صلی اللہ علیہ وآلہ وسلم) کعبہ کے پاس نماز پڑھ رہے تھے۔ اس نے آپ کی گردن میں کپڑا لپیٹ کر زور سے دبایا تو حضرت ابوبکر صدیق (رض) آئے اور انھوں نے اس کے دونوں کندھوں سے پکڑ کر اسے رسول اللہ (صلی اللہ علیہ وآلہ وسلم) سے دور کیا اور کہا : ( (اَتَقْتُلُوْنَ رَجُلًا اَنْ یَّقُوْلَ رَبِّیَ اللّٰہُ وَ قَدْ جَائَ کُمْ بِالْبَیِّنَاتِ مِنْ رَّبِّکُمْ ) ) ” کیا تم ایسے آدمی کو قتل کرتے ہو جو کہتا ہے کہ میرا رب اللہ ہے اور وہ اس پر تمہارے رب کی طرف سے دلائل بھی لایا ہے ؟ “