(١٨٠٢٧) ابراہیم فرماتے ہیں کہ جب ضحاک بن قیس نے مسروق کو عامل بنانا چاہا تو عمارہ بن عقبہ نے کہا کہ کیا آپ حضرت عثمان کے قاتلوں میں سے کسی کو عامل بنانا چاہتے ہیں تو مسروق نے عمارہ سے کہا کہ ہمیں حضرت عبداللہ بن مسعود (رض) نے بیان کیا کہ جو بات ہمارے دلوں میں پختہ ہے یہ ہے کہ جب رسول اللہ (صلی اللہ علیہ وآلہ وسلم) نے تیرے باپ کو قتل کرنے کا ارادہ فرمایا تو اس نے کہا تھا : بچوں کا کون ہے ؟ فرمایا : آگ۔ میں تیرے لیے وہ پسند کرتا ہوں جو تیرے لیے رسول اللہ (صلی اللہ علیہ وآلہ وسلم) نے پسند فرمایا۔