(١٨٠٢٨) امام شافعی (رح) فرماتے ہیں کہ ابو عزہ جمحی کو رسول اللہ (صلی اللہ علیہ وآلہ وسلم) نے بغیر فدیہ کے احسان کرتے ہوئے چھوڑ دیا۔ اس کی بیٹیوں کی وجہ سے اور وعدہ لیا کہ آئندہ وہ لڑائی کے لیے نہ آئیں۔ لیکن اس نے وعدہ خلافی کی تو رسول اللہ (صلی اللہ علیہ وآلہ وسلم) نے احد کے دن اسے قتل کروا دیا۔ مشرکین کا کوئی اور شخص قیدی نہ تھا۔ ابو عزہ جمحی نے کہا : اے محمد ! آپ میری بیٹیوں کی وجہ سے احسان فرمائیں۔ میں آئندہ قتال کے لیے نہ آؤں گا۔ آپ نے فرمایا : مکہ جانے کے بہانے چاپلوسی مت کرو۔ پھر تم کہو گے : میں نے محمد (صلی اللہ علیہ وآلہ وسلم) کو دو مرتبہ دھوکا دیا ہے۔ پھر آپ نے حکم فرمایا تو اس کی گردن تن سے جدا کردی گئی۔