(١٨٢٧٧) حضرت عبداللہ بن عباس (رض) فرماتے ہیں کہ فتح مکہ کے سال عباس بن عبدالمطلب ابو سفیان بن حرب کو لے کر آئے۔ اس نے مرالظہران نامی جگہ پر اسلام قبول کیا تو عباس کہنے لگے : اے اللہ کے رسول ! ابو سفیان ایسا آدمی ہے جو فخر کو پسند کرتا ہے، آپ (صلی اللہ علیہ وآلہ وسلم) اس کو کسی اعزاز سے نوازیں۔ آپ (صلی اللہ علیہ وآلہ وسلم) نے فرمایا : ہاں۔ جو ابو سفیان کے گھر میں داخل ہوگیا وہ امن میں ہے۔ جس نے اپنا دروازہ بند کرلیا وہ بھی امن میں ہے۔