(١٨٤٦) عبداللہ بن محیریز فرماتے ہیں، وہ أبی محذورہ (رض) کی پرورش میں تھے : جب میں نے شام کی طرف تیاری کی تو میں نے سیدنا ابو محذورہ (رض) سے کہا : اے چچا ! میں شام کی طرف جا رہا ہوں اور مجھے ڈر ہے کہ مجھ سے آپ کی اذان کے متعلق پوچھا جائے، اے ابو محذورہ ! مجھے بتلائیے، انھوں نے فرمایا : ٹھیک ہے؛ میں ایک جماعت میں نکلا، ہم حنین کے راستے میں تھے، رسول اللہ (صلی اللہ علیہ وآلہ وسلم) حنین سے واپس لوٹے تو ہمیں راستے میں ملے۔ رسول اللہ (صلی اللہ علیہ وآلہ وسلم) کے مؤذن نے اذان دی، ہم نے مؤذن کی آواز سنی اور ہم ایک دوسرے کی جانب متوجہ تھے، ہم شور و غل مچا رہتے تھے، اس کی حکایت بیان کرتے تھے اور اس کا مذاق اڑاتے تھے، رسول اللہ (صلی اللہ علیہ وآلہ وسلم) نے سنا تو ہماری طرف کسی کو بھیجا یہاں تک کہ ہم آپ (صلی اللہ علیہ وآلہ وسلم) کے سامنے کھڑے تھے۔ رسول اللہ (صلی اللہ علیہ وآلہ وسلم) نے فرمایا : تم میں سے کون ہے جس کی میں نے آواز سنی اس کی آواز اس قدربلند تھی ؟ ساری قوم نے میری طرف اشارہ کیا اور انھوں نے سچ کہا، آپ (صلی اللہ علیہ وآلہ وسلم) نے ان سب کو چھوڑ دیا اور مجھے روک لیا، آپ (صلی اللہ علیہ وآلہ وسلم) نے فرمایا : کھڑے ہو جاؤ اور نماز کے لیے اذان میں کھڑے ہو اور (اس وقت) ا میرے نزدیک نبی (صلی اللہ علیہ وآلہ وسلم) اور وہ چیز جس کا آپ (صلی اللہ علیہ وآلہ وسلم) نے مجھے حکم دیا سب ناپسندیدہ تھیں۔
میں رسول اللہ (صلی اللہ علیہ وآلہ وسلم) کے سامنے کھڑا ہوا آپ (صلی اللہ علیہ وآلہ وسلم) نے بذات خود مجھے اذان سکھائی اور فرمایا : کہہ : اللَّہُ أَکْبَرُ اللَّہُ أَکْبَرُ اللَّہُ أَکْبَرُ اللَّہُ أَکْبَرُ ، أَشْہَدُ أَنْ لاَ إِلَہَ إِلاَّ اللَّہُ أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللَّہِ أَشْہَدُ أَنَّ مُحَمَّدًا رَسُولُ اللَّہِ پھر آپ (صلی اللہ علیہ وآلہ وسلم) نے مجھے فرمایا : دوبارہ لوٹا اور اپنی آواز کو بلندکر، پھر آپ (صلی اللہ علیہ وآلہ وسلم) نے فرمایا : کہہ أَشْہَدُ أَنْ لاَ إِلَہَ إِلاَّ اللَّہُ أَشْہَدُ أَنْ لاَ إِلَہَ إِلاَّ اللَّہُ ، أَشْہَدُ أَنَّ مُحَمَّدًا رَسُولُ اللَّہِ ، أَشْہَدُ أَنَّ مُحَمَّدًا رَسُولُ اللَّہِ ، حَیَّ عَلَی الصَّلاَۃِ حَیَّ عَلَی الصَّلاَۃِ ، حَیَّ عَلَی الْفَلاَحِ حَیَّ عَلَی الْفَلاَحِ ، اللَّہُ أَکْبَرُ اللَّہُ أَکْبَرُ ، لاَ إِلَہَ إِلاَّ اللَّہُ ۔ پھر آپ (صلی اللہ علیہ وآلہ وسلم) نے مجھے بلایا جس وقت میں نے اذان پوری کرلی۔ آپ (صلی اللہ علیہ وآلہ وسلم) نے مجھ کو ایک تھیلی دی جس میں چاندی کی کوئی چیز تھی، پھر آپ (صلی اللہ علیہ وآلہ وسلم) نے اپنا ہاتھ میری پیشانی پر رکھا، اور اس کو اس کے چہرے سے گذارا پھر میرے پستانوں کے درمیان سے، پھر میرے جگر سے پھر آپ (صلی اللہ علیہ وآلہ وسلم) کا ہاتھ میرے پیٹ تک پہنچ گیا، پھر رسول اللہ (صلی اللہ علیہ وآلہ وسلم) نے فرمایا : اللہ تعالیٰ تجھ میں برکت ڈالے اور تجھ پر برکت ڈالے، میں نے کہا : اے اللہ کے رسول ! مجھ کو مکہ میں اذان دینے کی اجازت دیں، آپ (صلی اللہ علیہ وآلہ وسلم) نے فرمایا : میں نے آپ کو اجازت دے دی۔ تو ہر وہ چیز چلی گئی جو رسول اللہ (صلی اللہ علیہ وآلہ وسلم) کی مجھے ناپسندیدہ تھی اور تمام کی تمام محبت نبی (صلی اللہ علیہ وآلہ وسلم) کے لیے لوٹ آئی، میں عتاب بن اسید کے سامنے کھڑا ہوا جو رسول اللہ کے عامل تھے، میں نے نبی (صلی اللہ علیہ وآلہ وسلم) کے حکم سے نماز کی اذان کہی۔