(١٨٤٧) سیدنا ابومحذورہ (رض) فرماتے ہیں کہ میں دس بچوں میں حنین کی طرف نبی (صلی اللہ علیہ وآلہ وسلم) کے ساتھ نکلا، انھوں نے اذان دی اور ہم بھی کھڑے ہو کر مذاقاً اذان کہنے لگے، نبی (صلی اللہ علیہ وآلہ وسلم) نے فرمایا : ” ان بچوں کو میرے پاس لاؤ، آپ (صلی اللہ علیہ وآلہ وسلم) نے فرمایا : تم اذان دو ، انھوں نے اذان دی اور میری آواز ان میں سب سے زیادہ بلند تھی آپ نے فرمایا : ہاں یہی وہ ہے جس کی میں نے آواز سنی تھی تو جا اور مکہ والوں کے لیے اذان کہہ اور عتاب بن اسید کو کہنا کہ مجھ کو رسول اللہ (صلی اللہ علیہ وآلہ وسلم) نے حکم دیا ہے کہ میں اہل مکہ کے لیے اذان دوں، آپ (صلی اللہ علیہ وآلہ وسلم) نے فرمایا : تو کہہ : اللَّہُ أَکْبَرُ اللَّہُ أَکْبَرُ اللَّہُ أَکْبَرُ اللَّہُ أَکْبَرُ ، أَشْہَدُ أَنْ لاَ إِلَہَ إِلاَّ اللَّہدو مرتبہ أَشْہَدُ أَنَّ مُحَمَّدًا رَسُولُ اللَّہِ دو مرتبہ، پھر دوبارہ کہہ : أَشْہَدُ أَنْ لاَ إِلَہَ إِلاَّ اللَّہُ دو مرتبہ أَشْہَدُ أَنَّ مُحَمَّدًا رَسُولُ اللَّہِ دو مرتبہ حَیَّ عَلَی الصَّلاَۃِ دو مرتبہ حَیَّ عَلَی الْفَلاَحِ دو مرتبہ اللَّہُ أَکْبَرُ اللَّہُ أَکْبَرُ لاَ إِلَہَ إِلاَّ اللَّہُ اور جب تو اقامت کہے تو دو مرتبہ یہ کہہ : قَدْ قَامَتِ الصَّلاَۃُ قَدْ قَامَتِ الصَّلاَۃُ ۔