(١٨٦٠٩) عبداللہ بن حوالہ فرماتے ہیں کہ ہم رسول اللہ (صلی اللہ علیہ وآلہ وسلم) کے پاس تھے۔ ہم نے ننگے پن ، فقر اور قلت اشیاء کی شکایت کی۔ آپ نے فرمایا : اللہ کی قسم ! مجھے تمہارے اوپر چیزوں کی کثرت کا قلت سے زیادہ خوف ہے۔ اللہ کی قسم ! تمہاری یہ حالت رہے گی یہاں تک کہ اللہ فارس وروم اور حمیر کو فتح فرما دیں گے اور تم تین لشکروں میں تقسیم ہو جاؤ گے۔ ایک لشکر شام میں ، دوسرا عراق میں اور تیسرا لشکر یمن میں ہوگا۔ یہاں تک کہ کسی شخص کو سو روپے دیے جائیں گے تو وہ ناراض ہوگا۔ ابن حوالہ فرماتے ہیں کہ میں نے کہا : اے اللہ کے رسول (صلی اللہ علیہ وآلہ وسلم) شام اور روم کو فتح کرنے کی طاقت کون رکھے گا۔ فرمایا : اللہ تمہیں ضرور فتح نصیب کرے گا اور تمہیں خلفیہ بنائیں گا۔ یہاں تک کہ وہ محفوظ ہوجائیں گے بعض کے پاس جنگی لباس ہوگا۔ ان کی گردنیں ایک جھوٹے آدمی کی مطیع ہوں گے اور بعض ان میں سے گنجے ہوں گے۔ جو حکم ہوگا وہی کر گزریں گے اور تمہارے آج کے مرد ان کی نظروں میں اونٹوں کی پشتوں میں چچڑی سے بھی زیادہ حقیر ہوں گے۔ ابن حوالہ نے کہا : اے اللہ کے رسول ! اگر یہ وقت مجھے پالے تو مجھے اختیار دینا۔ آپ نے فرمایا : میں تیرے لیے ملک شام کا انتخاب کرتا ہوں۔ کیونکہ یہ اللہ کے پسندیدہ شہروں میں سے ہے اور اللہ کے پسندیدہ بندے ہی اسی کی جانب پناہ لیں گے۔ اے اہل یمن ! شام کو لازم پکڑنا۔ کیونکہ اللہ کو شام کی سرزمین پسندیدہ ہے۔ خبردار ! جو اس بات کا انکار کرے وہ یمن کی جانب چلا جائے کیونکہ اللہ نے شام والوں کی ضمانت دی ہے۔
(ب) عبد الرحمن بن جبیر کہتے ہیں : صحابہ نے اس حدیث کی صفات کو جزا بن سھیل سلمی میں پہچانی۔ وہ اس دور میں عجموہ پر امیر مقرر تھے۔ جب وہ مسجد کی طرف آئے تو اس کو دیکھنیکے لیے اس کے اردگرد کھڑے ہوجاتے۔ صحابہ نے اس میں اور اس کے ساتھیوں میں رسول اللہ (صلی اللہ علیہ وآلہ وسلم) کی صفات کو دیکھ کر تعجب فرمایا : ابو علقمہ کہتے ہیں کہ رسول اللہ (صلی اللہ علیہ وآلہ وسلم) نے تین بار قسمیں اٹھائیں۔
(ج) عبداللہ بن حوالہ نبی (صلی اللہ علیہ وآلہ وسلم) سے بیان کرتے ہیں کہ اللہ شام کو فتح کروایں گے تم فارس وروم کے خزانے تقسیم کرو گے۔