(١٨٨٢١) محرر بن ابوہریرہ (رض) اپنے والد سے نقل فرماتے ہیں کہ میں حضرت علی (رض) کے ساتھ تھا۔ جب آپ نے اہل مکہ سے برأت کا اعلان کروایا، حضرت علی (رض) فرماتے ہیں کہ میں اعلان کرتا لیکن میری آواز ہلکی ہے تو کہا گیا : کس بات کا آپ اعلان کرنا چاہتے ہیں ؟ تو حضرت علی (رض) نے کہا : مجھے ان باتوں کا اعلان کرنے کا حکم دیا گیا ہے : 1 جنت میں صرف مومن داخل ہوگا۔ 2 نبی (صلی اللہ علیہ وآلہ وسلم) کا جس سے عھد تھا، اس کی مدت چار ماہ ہے۔ 3 جب چار ماہ گذر جائیں گے تو اللہ اور اس کے رسول (صلی اللہ علیہ وآلہ وسلم) بری ہیں۔ 4 ننگے بدن بیت اللہ کا طواف نہ کیا جائے۔ 5 ۔ اس سال کے بعد کوئی مشرک حج نہ کرے۔
(ب) زید بن یثیع حضرت علی (رض) سے نقل فرماتے ہیں کہ جس کا معاہدہ تھا اسے پورا کیا جائے گا اور جس کا معاہدہ نہیں اس کی مدت چار ماہ ہے۔
امام شافعی (رض) فرماتے ہیں : رسول اللہ (صلی اللہ علیہ وآلہ وسلم) نے صفوان بن امیہ کو فتح مکہ کے بعد چار ماہ مہلت دی تھی۔