(١٨٨٢٠) حضرت عبداللہ بن عباس (رض) فرماتے ہیں کہ رسول اللہ (صلی اللہ علیہ وآلہ وسلم) نے ابوبکر (رض) کو امیر حج بنا کر روانہ کیا اور ان باتوں کا اعلان کرنے کا حکم دیا، حضرت ابوبکر (رض) نے راستہ میں کسی جگہ پڑاؤ کیا تو رسول اللہ (صلی اللہ علیہ وآلہ وسلم) کی اونٹنی قصواء کی آواز سنی، گھبرا کر نکلے ہیں، جبکہ وہ حضرت علی (رض) تھے، انھوں آپ کا خط ابوبکر (رض) کو دیا، جس میں تھا کہ ان باتوں کا اعلان حضرت علی (رض) کو کرنے دیا جائے۔ جب ابوبکر (رض) وعلی (رض) نے حج کیا تو حضرت علی (رض) نے ایام تشریق کے درمیان ان باتوں کا اعلان کردیا کہ اللہ ورسول ہر مشرک سے بری ہیں۔ { فَسِیْحُوْا فِی الْاَرْضِ اَرْبَعَۃَ اَشْھُرٍ وَّ اعْلَمُوْٓا اَنَّکُمْ غَیْرُ مُعْجِزِی اللّٰہِ } [التوبۃ ٢] تم زمین پر چار ماہ چلو پھرو، جان لو تم اللہ کو عاجز نہیں کرسکتے۔ 1 اس سال کے بعد کوئی مشرک حج نہ کرے، 2 کپڑے اتار کر بیت اللہ کا طواف نہ کیا جائے۔ 3 جنت میں صرف مومن داخل ہوگا، ابوہریرہ ان کی آواز آگے پہنچاتے تھے۔