(١٩٦٦٤) ابو رافع بن عمرو غفاری فرماتے ہیں کہ میں اور ایک غلام انصار کی کھجوروں کو پتھر مارا کرتے تھے۔ نبی (صلی اللہ علیہ وآلہ وسلم) کے سامنے اس بات کا تذکرہ کیا گیا کہ یہاں غلام ہماری کھجوروں کو پتھر مارتے ہیں۔ راوی بیان کرتے ہیں کہ آپ نے فرمایا : تم ان کو پکڑ کر میرے پاس لاؤ۔ آپ نے پوچھا : اے بچے ! تم ان کی کھجوروں کو پتھر کیوں مارتے ہو ؟ کہتے ہیں : میں نے کہا : کھانے کا ارادہ ہوتا ہے۔ آپ نے فرمایا : پتھر نہ مارو، بلکہ نیچے گرے ہوئے پھل کھالیا کرو۔ راوی بیان کرتے ہیں کہ آپ نے بچے کے سر پر ہاتھ پھیرا اور فرمایا : اے اللہ ! اس کے پیٹ کو سیر کر دے۔