(٢٠٦٦٥) عمار بن شعیب بن عبداللہ بن زبیب فرماتے ہیں کہ مجھے میرے والدنے بیان کیا، اس نے کہا : میں نے اپنے دادا زبیب سے سنا۔ وہ کہتے ہیں کہ نبی (صلی اللہ علیہ وآلہ وسلم) نے بنو عنبر کی طرف ایک لشکر روانہ کیا، انھوں نے طائف کے ایک کونے سے ایک قافلہ پکڑ لیا۔ وہ اس کو لے کر نبی (صلی اللہ علیہ وآلہ وسلم) کے پاس آئے۔ میں سوار ہو کر ان سے پہلے نبی (صلی اللہ علیہ وآلہ وسلم) تک پہنچ گیا اور آپ کو سلام کیا۔ ہمارے پاس تمہارا لشکر آیا۔ انھوں نے ہمیں پکڑ لیا حالانکہ اس سے پہلے ہم مسلمان ہوچکے تھے اور اپنے چوپاؤں کے کان بھی کاٹے تھے۔ جب بلعنبر آئے تو نبی (صلی اللہ علیہ وآلہ وسلم) نے مجھے فرمایا : کیا تمہارے پاس کوئی دلیل ہے کہ تم ان دنوں سے پہلے مسلمان ہوچکے تھے، میں نے کہا : آپ (صلی اللہ علیہ وآلہ وسلم) نے فرمایا : آپ کی دلیل کیا ہے ؟ میں نے کہا : 1 سمرہ جو نبی العنبر کا آدمی ہے۔ 2 دوسرے آدمی کا نام لیا۔ دوسرے آدمی نے گواہی دے دی۔ لیکن سمرہ نے گواہی سے انکار کردیا، نبی (صلی اللہ علیہ وآلہ وسلم) نے فرمایا : اس نے گواہی سے انکار کردیا اب تم گواہ کے ساتھ ایک قسم اٹھاؤ، میں نے کہا : ٹھیک آپ (صلی اللہ علیہ وآلہ وسلم) نے مجھ سے قسم کا مطالبہ کیا۔ میں نے اللہ کی قسم اٹھائی کہ ہم فلاں فلاں دن مسلمان ہوگئے تھے اور اپنے جانوروں کے کان بھی کاٹے تھے۔ آپ (صلی اللہ علیہ وآلہ وسلم) نے فرمایا : ان کا آدھا مال تقسیم کر دو اور ان کے بچوں کو کچھ نہ کہنا، اگر یہ نہ ہوتا کہ اللہ برے اعمال کو پسند نہیں فرماتے تو تمہارے اونٹ واپس نہ کیے جاتے۔ زبیب کہتے ہیں : میری والدہ نے مجھے بلایا اور کہا : یہ آدمی ہے جس نے جانوروں کو پکڑا تھا۔ میں نبی (صلی اللہ علیہ وآلہ وسلم) کے پاس گیا اور آپ (صلی اللہ علیہ وآلہ وسلم) کو خبر دی۔ آپ (صلی اللہ علیہ وآلہ وسلم) نے فرمایا : اس کو روک لو۔ میں تلبیہ کہنا شروع ہوگیا۔ میں ان کے ساتھ اس جگہ کھڑا ہوگیا، پھر میری طرف نبی (صلی اللہ علیہ وآلہ وسلم) نے کھڑے ہونے کی حالت میں دیکھا۔ آپ (صلی اللہ علیہ وآلہ وسلم) نے فرمایا : آپ قیدی سے کیا ارادہ رکھتے ہو۔ میں نے اس کو اپنے ہاتھ سے چھوڑ دیا۔ نبی (صلی اللہ علیہ وآلہ وسلم) نے کھڑے ہو کر آدمی سے کہا : اس کی ماں کے جو جانور آپ نے لیے ہیں واپس کر دو ۔ اس نے کہا : اے اللہ کے نبی (صلی اللہ علیہ وآلہ وسلم) ! وہ تو میرے ہاتھ سے نکل رہی ہے۔ نبی (صلی اللہ علیہ وآلہ وسلم) نے آدمی کی تلوار لے کر اس کو دے دی اور فرمایا : جاؤ اس کو کچھ کھانے کے صاع دو ۔ کہتے ہیں کہ اس نے جو کے صاع دیے۔
خضرمنا۔۔۔ الخ : مسلم اور کافر کے مال کے درمیان فرق کرنے کے لیے یہ کیا۔