(٢٠٧١٦) سعید بن مسیب سیدنا ابوہریرہ (رض) سے نقل فرماتے ہیں کہ ہم رسول اللہ (صلی اللہ علیہ وآلہ وسلم) کے پاس بیٹھے تھے۔ انھوں نے یہودی کے بارے میں حدیث ذکر کی جس نے شادی کے بعد زنا کیا تھا۔ راوی کہتے ہیں : وہ نبی (صلی اللہ علیہ وآلہ وسلم) کے پاس آیا۔ وہ بیت المدراس میں امامت کروا تا تھا۔ نبی (صلی اللہ علیہ وآلہ وسلم) ان کے پاس آئے اور فرمایا : میں تمہیں اس اللہ کی قسم دے کر پوچھتا ہوں جس نے موسیٰ (علیہ السلام) پر توراۃ کو نازل کیا۔ توراۃ میں شادی شدہ زنا کرے تو سزا کیا ہے ؟