(٢١٠١٢) ہشام بن عروہ اپنے والد سے اور وہحضرت عائشہ (رض) سے نقل فرماتے ہیں کہ ان کے پاس ابوبکر صدیق (رض) آئے اور میرے پاس دو انصاری بچیاں گا رہی تھیں۔ انصار کی وہ باتیں کر رہی تھیں، جو جنگ بعاث میں ان کو پیش آئیں اور وہ دونوں گانے والیاں نہ تھیں، حضرت ابوبکر (رض) فرمانے لگے : رسول اللہ (صلی اللہ علیہ وآلہ وسلم) کے گھر میں گانے بجانے کے آلات، اور یہ عید کا دن تھا۔ آپ (صلی اللہ علیہ وآلہ وسلم) نے فرمایا : اے ابوبکر ! ہر قوم کی عید ہوتی ہے، یہ ہماری عید کا دن ہے۔