(٢١٠١٣) عروہ بن زبیر فرماتے ہیں کہ حضرت عائشہ (رض) فرماتی ہیں کہ ان کے پاس ابوبکر صدیق (رض) آئے اور منیٰ کے ایام میں ان کے پاس دو گانے والی بچیاں تھیں۔ وہ دونوں دف بجا رہی تھیں اور نبی (صلی اللہ علیہ وآلہ وسلم) کپڑا اوڑھے لیٹے ہوئے تھے تو ابوبکر صدیق (رض) نے ان کو ڈانٹ پلائی۔ نبی (صلی اللہ علیہ وآلہ وسلم) نے چہرے سے کپڑا ہٹایا۔ آپ (صلی اللہ علیہ وآلہ وسلم) نے فرمایا : ابوبکر چھوڑو، یہ عید کے ایام ہیں اور یہ منیٰ کے ایام تھے اور رسول اللہ (صلی اللہ علیہ وآلہ وسلم) مدینہ میں تھے۔ میں نے رسول اللہ (صلی اللہ علیہ وآلہ وسلم) کو دیکھا، آپ (صلی اللہ علیہ وآلہ وسلم) نے مجھے کپڑے سے چھپا رکھا تھا اور میں مسجد میں کھیلنے والے حبشیوں کی کھیل دیکھ رہی تھی۔ میں اس وقت بچی تھی۔