(٢١٣٨) سیار بن سلامہ فرماتے ہیں کہ میں اپنے والد کے ہمراہ ابو برزہ اسلمی کی خدمت میں حاضر ہوا۔ میرے والد نے ان سے کہا : ہمیں بتائیں کہ رسول اللہ (صلی اللہ علیہ وآلہ وسلم) فرض نمازیں کس وقت ادا فرماتے تھے۔ پھر مکمل حدیث ذکر کی اور فرمایا : آپ (صلی اللہ علیہ وآلہ وسلم) فجر کی نماز سے جب سلام پھیرتے تو ہر شخص اپنے ساتھ والے کو پہچان لیتا اور آپ (صلی اللہ علیہ وآلہ وسلم) فجر میں ساٹھ سے سو تک آیات تلاوت فرماتے تھے۔