(٢١٣٩) محمد بن عمرو بن حسن فرماتے ہیں کہ حجاج نماز کو تاخیر سے ادا کیا کرتا تھا۔ میں نے حضرت جابر بن عبداللہ (رض) سے پوچھا تو انھوں نے کہا : نبی (صلی اللہ علیہ وآلہ وسلم) ظہر کی نماز ادا کرتے جب سورج ڈھل چکا ہوتا اور عصر کی نماز ادا کرتے کہ ابھی سورج چمک رہا ہوتا اور مغرب کی نماز ادا کرتے جب سورج غروب ہوجاتا اور عشا کی نماز میں جب دیکھتے کہ لوگ کم ہیں تو موخر کرلیتے اور جب لوگ زیادہ ہوتے تو جلدی پڑھا دیتے اور صبح کی نماز اندھیرے میں ہی ادا فرماتے۔