(٢١٥٤٩) عطاء بن ابی رباح حضرت جابر بن عبداللہ سے نقل فرماتے ہیں کہ ایک آدمی نے اپنی موت کے بعد غلام کو آزاد کردیا تو رسول اللہ (صلی اللہ علیہ وآلہ وسلم) نے اس کو فروخت کر کے اس کی قیمت مالک کو واپس کردی اور فرمایا : تو اس کا زیادہ ضرورت مند ہے اور اللہ اس سے غنی ہے۔
(ب) عطاء حضرت جابر بن عبداللہ سے نقل فرماتے ہیں کہ ایک آدمی نے غلام آزاد کردیا اس کا کوئی اور مال نہ تھا تو رسول اللہ (صلی اللہ علیہ وآلہ وسلم) نے فروخت کر کے قیمت مالک کو واپس کردی اور فرمایا : تو اس کا زیادہ ضرورت مند ہے اور اللہ غنی ہے۔