(٢٣٥٨) اسود بن یزید سے روایت ہے کہ سیدنا عمر بن خطاب (رض) جب نماز شروع کرتے تو کہتے : اللہ اکبر، پھر کہتے : سُبْحَانَکَ اللَّہُمَّ وَبِحَمْدِکَ ، تَبَارَکَ اسْمُکَ وَتَعَالَی جَدُّکَ ، وَلاَ إِلَہَ غَیْرُکَ ۔ ” اے اللہ ! تو پاک ہے اور میں تیری تعریف کے ساتھ تجھے یاد کرتا ہوں اور تیرا نام برکت والا ہے اور تیری بزرگی اعلیٰ ہے اور تیرے علاوہ کوئی معبود برحق نہیں ہے۔ “
پھر شیطان مردود سے اللہ کی پناہ مانگتے، پھر سورة فاتحہ کی قراءت کرتے جس سے قرآن کی ابتدا ہوتی ہے۔