(٢٣٥٩) (ا) صالح بن ابو صالح سے روایت ہے کہ انھوں نے ابوہریرہ (رض) کو لوگوں کو امامت کرواتے ہوئے دیکھا۔ آپ آواز سے یہ کلمات پڑھ رہے تھے : رَبَّنَا إِنَّا نَعُوذُ بِکَ مِنَ الشَّیْطَانِ الرَّجِیمِ ۔
(ب) امام شافعی (رح) فرماتے ہیں کہ ابن عمر (رض) اپنے دل میں تعوذ پڑھتے تھے، لہٰذا بلند یا آہستہ دونوں طرح پڑھنا درست ہے۔ بعض سورة فاتحہ سے بھی پہلے تعوذ پڑھ لیتے تھے اور یہی میرا قول ہے۔
(ج) شیخ فرماتے ہیں کہ اس سے پہلے والے باب کی روایات بھی اس پر دلالت کرتی ہیں کہ تعوذ قراءت سے پہلے پڑھا جائے۔
(د) امام شافعی (رح) فرماتے ہیں کہ تعوذ پہلی رکعت میں پڑھا جائے۔ شیخ فرماتے ہیں کہ حسن، عطا، ابراہیم نخعی کا بھی یہی قول ہے۔
(ھ) امام شافعی (رح) کا ایک قول یہ بھی ہے کہ تعوذ ہر رکعت میں سورة فاتحہ سے پہلے پڑھا جائے تو بہتر ہے۔
(و) شیخ فرماتے ہیں کہ ابن سیرین سے منقول ہے کہ وہ ہر رکعت میں تعوذ پڑھتے تھے۔