(٢٧٧٦) عبداللہ بن عبداللہ بن عمر سے روایت ہے کہ انھوں عبداللہ بن عمر (رض) کو دیکھا کہ وہ نماز میں جب بیٹھتے تو چار زانو ہو کر (آلتی پالتی مار کر) بیٹھتے۔ میں بھی اسی طرح بیٹھتا۔ ان دنوں میں چھوٹا تھا۔ عبداللہ بن عمر (رض) نے مجھے منع کیا اور فرمایا کہ نماز میں بیٹھنے کا سنت طریقہ یہ ہے کہ تو اپنا دایاں پاؤں کھڑا کرے اور بائیں کو بچھا کر اس پر بیٹھے ۔ میں نے پوچھا : آپ تو اس طرح (چار زانو) کرتے ہیں ؟ انھوں نے فرمایا : میرے پاؤں میرا بوجھ نہیں اٹھاسکتے (یعنی میں بیمار ہوں) ۔