(٢٨٣٨) (ا) عبدالرحمن بن عبدالقاری سے منقول ہے کہ انھوں نے منبر رسول پر سیدنا عمر بن خطاب (رض) کو فرماتے ہوئے سنا، آپ لوگوں کو تشہد سکھا رہے تھے، آپ فرما رہے تھے : کہو ” التحیات للہ الزاکیات۔۔۔ ” تمام زبانی، مالی اور بدنی عبادتیں اللہ ہی کے لیے ہیں۔ اے نبی ! آپ پر سلامتی ہو اور اللہ کی رحمت و برکات ہوں، ہم پر اور اللہ کے تمام نیک بندوں پر سلامتی ہو، میں گواہی دیتا ہوں کہ اللہ کے سوا کوئی معبود نہیں اور میں گواہی دیتا ہوں کہ محمد (صلی اللہ علیہ وآلہ وسلم) اللہ کے بندے اور اس کے رسول ہیں۔ “
یہ ابن وہب کی حدیث کے الفاظ ہیں۔
(ب) اور امام شافعی (رح) کی روایت میں ہے کہ انھوں نے عمر بن خطاب (رض) کو منبر کے اوپر لوگوں کو تشہد سکھاتے ہوئے سنا آپ (رض) نے فرمایا : ” الطیبات الصلوات للّٰہ۔۔۔“ باقی اسی طرح ہے۔