(٢٨٩٩) (ا) وہب بن کیسان فرماتے ہیں کہ انھوں نے جابر بن عبداللہ (رض) سے سنا کہ جس نے ایک بھی رکعت ایسی پڑھی جس میں سورة فاتحہ نہ پڑھی تو ایسی نماز صرف امام کے پیچھے ہی پڑھ سکتا ہے وگرنہ نہیں۔
(ب) یہ شبہ بھی ہوسکتا ہے کہ اس مسئلہ میں جابر (رض) کا مذہب جہری نمازوں میں قراءت نہ کرنے کا ہوگا نہ کہ سری نمازوں میں۔ یزید فقیر نے جابر (رض) سے روایت کیا ہے کہ ہم ظہر اور عصر کی پہلی دو رکعتوں میں امام کے پیچھے سورة فاتحہ اور ایک سورة کی قرات کرتے تھے اور بعد والی دو رکعتوں میں صرف سورة فاتحہ پڑھتے۔ یہی عبداللہ بن مسعود (رض) کا مذہب ہے۔