(٢٩٠٠) (ا) سیدنا ابو وائل سے روایت ہے کہ ایک شخص نے سیدنا عبداللہ بن مسعود (رض) سے قراءت خلف الامام کے بارے میں دریافت کیا تو انھوں نے فرمایا : قرآن (سننے) کے لیے خاموشی اختیار کر ؛کیونکہ یہ نماز میں شغل ہے اور تجھے امام کی قرات ہی کافی ہے۔
(ب) ” انصت للقرآن “ تب کہا جاتا ہے جب قرآن سنا جا رہا ہو نہ کہ اس وقت جب نہ سنا جا رہا ہو۔ (یعنی جہری قراءت میں آدمی سن سکتا ہے نہ کہ سری نمازوں میں) ۔
(ج) علقمہ کہتے ہیں : میں نے سیدنا عبداللہ بن مسعود (رض) کے پہلو میں نماز ادا کی، مجھے نہیں پتا کہ انھوں نے قراءت کی ہے حتی کہ انھوں نے سورة طہٰ کی آیت اونچی آواز سے پڑھی (جو مجھے سنائی دی) یعنی { وَقُلْ رَبِّ زِدْنِی عِلْمًا } [طٰہ : ١١٤] ” کہہ دیجیے ! اے میرے رب میرے علم میں اضافہ فرما۔ “
(د) ہمیں عبداللہ بن زیاد اسدی کے واسطے سے روایت بیان کی گئی ہے کہ میں نے عبداللہ بن مسعود (رض) کے ساتھ کھڑے ہو کر امام کے پیچھے نماز ادا کی تو میں نے سنا کہ وہ ظہر و عصر میں (امام کے پیچھے ہی) قراءت کرتے تھے۔