(٢٩٢٨) سیدنا ابوہریرہ (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : ہر وہ نماز جس میں سورة فاتحہ نہ پڑھی جائے وہ ناقص ہے۔ ابوسائب بیان کرتے ہیں کہ میں نے کہا : اے ابوہریرہ ! میں تو امام کی قراءت سن رہا ہوتا ہوں تو انھوں نے فرمایا : اے فارسی ! یا فرمایا : اے فارسی کے بیٹے ! اس کو اپنے دل میں پڑھ لیا کر۔
(ب) صحابہ (رض) کی ایک بڑی جماعت جن میں امیرالمومنین سیدنا عمر بن خطاب (رض) بھی شامل ہیں سے ہمیں قرات خلف الامام کی روایات پہنچی ہیں۔