(٣٤٢٤) (ا) زر بن حبیش بیان کرتے ہیں کہ ایک دن رسول اللہ (صلی اللہ علیہ وآلہ وسلم) لوگوں کو نماز پڑھا رہے تھے کہ حسن و حسین (رض) آگئے اور یہ دونوں بچے تھے ۔ چنانچہ یہ سجدے میں رسول اللہ (صلی اللہ علیہ وآلہ وسلم) کی پیٹھ پر چڑھ کر بیٹھ گئے۔ لوگ ان کی طرف متوجہ ہوئے اور اس کام سے انھیں باز رکھنے کے لیے کھانسنے لگے۔ آپ (صلی اللہ علیہ وآلہ وسلم) نے فرمایا : انھیں چھوڑ دو میرے ماں باپ قربان ہوں جو مجھ سے محبت کرتا ہے تو وہ ان دونوں سے محبت کرے۔
(ب) امام بیہقی (رح) فرماتے ہیں : سیدنا انس بن مالک (رض) فرماتے ہیں کہ میں نے رسول اللہ (صلی اللہ علیہ وآلہ وسلم) سے بڑھ کر بچوں پر مشفق اور مہربان کوئی نہیں دیکھا۔