(٣٦٩٧) حضرت مسروق (رض) ، سیدہ عائشہ (رض) سے روایت کرتے ہیں کہ ان کے پاس ان چیزوں کا ذکر کیا گیا جو نماز توڑ دیتی ہیں، لوگوں نے کہا : نماز کو کتا، گدھا اور عورت توڑ دیتے ہیں۔ سیدہ عائشہ (رض) نے فرمایا : تم نے تو ہم (عورتوں) کو کتوں کے ساتھ ملا دیا۔ میں نے رسول اللہ (صلی اللہ علیہ وآلہ وسلم) کو دیکھا کہ آپ (صلی اللہ علیہ وآلہ وسلم) نماز پڑھ رہے ہوتے تھے اور میں آپ (صلی اللہ علیہ وآلہ وسلم) کے اور قبلہ کے درمیان چار پائی پر لیٹی ہوتی تھی، جب مجھے کوئی حاجت پیش آتی تو میں آپ (صلی اللہ علیہ وآلہ وسلم) کے سامنے لیٹنا ناپسند سمجھتی اور میں چپکے سے چلی جاتی۔