(٣٧٨٠) (ا) حضرت ابن عمر (رض) سے روایت ہے کہ رسول اللہ (صلی اللہ علیہ وآلہ وسلم) کعبہ کے اندر تشریف لے گئے۔ آپ (صلی اللہ علیہ وآلہ وسلم) کے ساتھ بلال، اسامہ اور عثمان بن طلحہ (رض) بھی تھے، میں نے بلال سے پوچھا کہ رسول اللہ (صلی اللہ علیہ وآلہ وسلم) نے کعبہ کے اندر کیا کیا ؟ انھوں نے فرمایا : آپ (صلی اللہ علیہ وآلہ وسلم) نے ایک ستون کو اپنی بائیں طرف کیا اور ایک کو اپنی دائیں طرف اور بقیہ تین ستونوں کو اپنے پیچھے کی طرف کیا پھر نماز پڑھی۔ ان دنوں خانہ کعبہ کے اندر چھ ستون تھے۔
(ب) امام بخاری (رح) کی روایت میں ہے کہ دو ستون آپ کی بائیں جانب تھے۔
(ج) اسی طرح امام شافعی (رح) نے بھی کہا ہے، دو جگہوں میں سے ایک میں۔
(د) امام مالک (رح) بیان کرتے ہیں کہ دوستون آپ کے دائیں طرف تھے۔