(٣٧٨١) حضرت عبداللہ بن عمر (رض) سے روایت ہے کہ رسول اللہ (صلی اللہ علیہ وآلہ وسلم) کعبہ میں داخل ہوئے آپ (صلی اللہ علیہ وآلہ وسلم) کے ساتھ حضرت بلال بن رباح، اسامہ بن زید اور عثمان بن طلحہ عجبی (رض) بھی داخل ہوئے۔ انھوں نے دروازے کو بند کردیا اور کچھ دیر آپ (صلی اللہ علیہ وآلہ وسلم) اس کے اندر رہے۔ حضرت عبداللہ بن عمر (رض) بیان فرماتے ہیں : جب وہ باہر نکلے تو میں نے حضرت بلال (رض) سے پوچھا : رسول اللہ (صلی اللہ علیہ وآلہ وسلم) نے کعبہ کے اندر کیا کام کیا ؟ انھوں نے بتایا کہ آپ (صلی اللہ علیہ وآلہ وسلم) نے ایک ستون کو بائیں طرف رکھا اور دو ستون اپنی دائیں جانب اور تین ستونوں کو پیچھے کی طرف رکھا اور نماز پڑھی۔ ان دنوں میں خانہ کعبہ چھ ستونوں پر قائم تھا۔