(٣٧٨٣) حضرت ابن عمر (رض) فرماتے ہیں کہ فتح مکہ کے سال نبی (صلی اللہ علیہ وآلہ وسلم) قصوا نامی اونٹنی پر حضرت اسامہ (رض) کے پیچھے بیٹھے ہوئے تشریف لائے۔ آپ (صلی اللہ علیہ وآلہ وسلم) کے ساتھ حضرت بلال اور عثمان ابن ابی طلحہ (رض) بھی تھے حتیٰ کہ سوار کو بیت اللہ کے پاس باندھ دیا گیا۔ پھر حضرت عثمان (رض) کو فرمایا : چابی لاؤ۔ انھوں نے چابی لا کر آپ (صلی اللہ علیہ وآلہ وسلم) کے لیے دروازہ کھول دیا۔ پھر آپ (صلی اللہ علیہ وآلہ وسلم) ، حضرت اسامہ، بلال اور عثمان (رض) آپ کے ساتھ داخل ہوئے۔ پھر انھوں نے دروازہ بند کردیا اور دن کا بیشتر حصہ وہاں گزارا۔ پھر آپ (صلی اللہ علیہ وآلہ وسلم) نکلے تو لوگ داخل ہونے کے لیے جلدی کرنے لگے، میں ان سب سے سبقت لے گیا وہاں میں نے حضرت بلال (رض) کو دروازے کے پیچھے کھڑے پایا تو میں نے ان سے پوچھا کہ رسول اللہ (صلی اللہ علیہ وآلہ وسلم) نے کہاں نماز پڑھی ہے ؟ انھوں نے فرمایا : اگلے دو ستونوں کے درمیان اور بیت اللہ کے ان دنوں چھ ستون تھے، دونوں حصوں میں۔ آپ (صلی اللہ علیہ وآلہ وسلم) نے اگلے نصف حصہ میں جو ستون ہیں ان کے درمیان نماز ادا کی اور بیت اللہ کا دروازہ آپ (صلی اللہ علیہ وآلہ وسلم) کی پیٹھ کی طرف تھا۔ آپ (صلی اللہ علیہ وآلہ وسلم) نے اپنا رخ انور اس طرف کیا جس طرف بیت اللہ میں داخل ہونے والا جب داخل ہوتا ہے تو اس کے بالکل سامنے جو جگہ آتی ہے وہاں اپنے اور دیوار کے درمیان نماز ادا کی۔
سیدنا ابن عمر (رض) فرماتے ہیں : میں حضرت بلال (رض) سے یہ پوچھنا بھول گیا کہ رسول اللہ (صلی اللہ علیہ وآلہ وسلم) نے کتنی نماز پڑھی اور آپ (صلی اللہ علیہ وآلہ وسلم) نے جس جگہ نماز پڑھی تھی وہاں پر سرخ سنگ مرمر لگا ہوا تھا۔