(٣٧٨٤) حضرت موسیٰ بن عقبہ (رح) بیان کرتے ہیں کہ مجھے حضرت نافع (رض) نے خبر دی کہ سیدنا ابن عمر (رض) جب بیت اللہ میں داخل ہوئے اور دروازہ اپنی پیٹھ کے پیچھے چھوڑ دیا۔ آپ چلتے گئے حتیٰ کہ ان میں اور سامنے والی دیوار میں تقریباً تین ہاتھ جگہ رہ گئی۔ سیدنا ابن عمر (رض) کو اس جگہ کی خواہش تھی جس کے بارے میں انھیں سیدنا بلال (رض) نے بتایا تھا کہ اس جگہ رسول اللہ (صلی اللہ علیہ وآلہ وسلم) نے نماز ادا کی ہے۔ بیت اللہ کے اندر کوئی حرج نہیں ہے، آدمی جس کونے میں چاہے نماز ادا کرسکتا ہے۔