(٣٧٩١) سیدنا عبداللہ بن عمر (رض) سے روایت ہے کہ نبی (صلی اللہ علیہ وآلہ وسلم) کعبہ میں داخل ہوئے پھر باہر نکل آئے اور حضرت بلال (رض) آپ (صلی اللہ علیہ وآلہ وسلم) کے ساتھ تھے۔ میں نے حضرت بلال (رض) سے پوچھا : کیا رسول اللہ (صلی اللہ علیہ وآلہ وسلم) نے نماز پڑھی ہے ؟ انھوں نے فرمایا : نہیں۔ پھر جب اگلے دن داخل ہوئے تو میں نے حضرت بلال (رض) سے پوچھا : کیا آپ (صلی اللہ علیہ وآلہ وسلم) نے نماز پڑھی ہے ؟ انھوں نے فرمایا : جی ہاں آپ (صلی اللہ علیہ وآلہ وسلم) نے دو رکعتیں پڑھی ہیں، آپ ایک جانب کی جانب متوجہ ہوئے اور دوسرے ستون کو اپنی دائیں طرف رکھا۔