(٣٧٩٢) (ا) حضرت عبداللہ بن عباس (رض) فرماتے ہیں کہ رسول اللہ (صلی اللہ علیہ وآلہ وسلم) بیت اللہ میں داخل ہوئے، آپ (صلی اللہ علیہ وآلہ وسلم) نے دو ستونوں کے درمیان دو رکعت نماز ادا کی، پھر نکل گئے۔ پھر دروازے اور حجراسود کے درمیان دو رکعتیں ادا کیں اور فرمایا : یہی قبلہ ہے۔ پھر دوسری مرتبہ داخل ہوئے تو کھڑے ہو کر دعا کرتے رہے، پھر نکل گئے اور نماز نہیں پڑھی۔
(ب) یہ دونوں روایتیں اگر صحیح ثابت ہوجائیں تو ان میں آپ (صلی اللہ علیہ وآلہ وسلم) کے بیت اللہ میں دو بار داخل ہونے کی دلیل ہے۔ ایک مرتبہ آپ (صلی اللہ علیہ وآلہ وسلم) نے نماز پڑھی ہو اور ایک مرتبہ نہ پڑھی ہو۔ مگر یہ ان دونوں حدیثوں کو ثابت کرنا بھی محل نظر ہے اور جو روایت سیدنا بلال (رض) سے منقول ہے یہ ثابت ہے اور سیدنا اسامہ (رض) کی روایت سے زیادہ بہتر ہے اور حضرت اسامہ (رض) سے منقول روایت اس کی نفی کرتی ہے۔