(٣٨١٥) (ا) حضرت عثمان (رض) کے آزاد کردہ غلام محمد بن یوسف (رح) اپنے والد سے نقل کرتے ہیں کہ حضرت معاویہ بن ابوسفیان (رض) نے انھیں نماز پڑھائی تو بھول گئے۔ آپ نے قعدہ کرنا تھا مگر نہیں کیا۔ جب وہ نماز کے آخری قعدے میں تھے تو سلام سے پہلے دو سجدے کیے پھر فرمایا : میں نے رسول اللہ (صلی اللہ علیہ وآلہ وسلم) کو اس طرح کرتے ہوئے دیکھا ہے۔
(ب) امام بیہقی (رح) فرماتے ہیں : اسی طرح حضرت عقبہ بن عامر جہنی (رض) نے بھی کیا ہے۔
(ج) امام ابوداؤد سجستانی (رح) نے بیان کیا کہ سیدنا عبداللہ بن زبیر (رض) بھی جب دو رکعتیں پڑھنے کے بعد کھڑے ہوگئے تھے تو انھوں نے بھی اسی طرح سلام پھیرنے سے پہلے دو سجدے کیے تھے اور یہ امام زہری (رح) کا قول ہے۔